უკრაინიდან საქართველოს მიმართულებით დაბალბიუჯეტიანი SkyUp რეისები იფრენს
28 აპრილი 2021თბილისი, 28 აპრილი - უკრაინული იაფი ავიაკომპანია SkyUp Airlines იწყებს რეგულარულ ფრენებს თბილისისა და ბათუმის მიმართულებით, იუწყება სამოქალაქო ავიაციის სააგენტო.
Ფრენის განრიგი:
29 აპრილიდან 28 ოქტომბრამდე ხარკოვი - თბილისი - ხარკოვი ხუთშაბათსა და კვირას;
29 აპრილიდან 2 ოქტომბრამდე ხარკოვი - ბათუმი - ხარკოვი ოთხშაბათს და შაბათს, ხოლო 27 მაისიდან 3 ოქტომბრამდე ორშაბათს, ხუთშაბათს, პარასკევს და კვირას;
1 მაისიდან 2 ოქტომბრამდე ლვოვი - თბილისი - ლვოვი შაბათობით, ხოლო 2 ივნისიდან 29 სექტემბრამდე ოთხშაბათობით;
19 აპრილიდან 27 მაისამდე ლვოვი - ბათუმი - ლვოვი ხუთშაბათობით, ხოლო 29 მაისიდან 3 ოქტომბრამდე სამშაბათს, ხუთშაბათს, შაბათს და კვირას;
30 აპრილიდან 29 ოქტომბრამდე ოდესა - თბილისი - ოდესა ორშაბათს და პარასკევს;
2 მაისიდან 23 მაისამდე ოდესა - ბათუმი - ოდესა კვირაობით, 27 მაისიდან 3 ოქტომბრამდე ოთხშაბათს, ხუთშაბათს, შაბათს და კვირას;
28 მაისიდან 23 მაისამდე ზაპოროჟიე - ბათუმი - ზაპოროჟიე სამშაბათს, პარასკევს და კვირას;
ავიაკომპანია ასევე ზრდის რეგულარული ფრენების სიხშირეს საქართველოსა და უკრაინის დედაქალაქებს შორის. შესაბამისად, 28 მაისიდან 29 ოქტომბრამდე, ფრენები კიევი - თბილისი - კიევი მარშრუტზე დაემატება ორშაბათის, ოთხშაბათისა და შაბათის რეისები.
დღეს სხვადასხვა ავიაკომპანია კვირაში 70 ფრენას ახორციელებს საქართველოს მიმართულებით და ზაფხულისთვის მათი რიცხვი 200-მდე გაიზრდება. შედარებისთვის, 2020 წლის აგვისტოში კვირაში 10-12 ფრენა ხორციელდებოდა.
ქვეყანაში რეგულარული ფრენები მიმდინარე წლის 1 თებერვალს განახლდა.
